Nongpoh, Nohprah 02: Kawei ka samla ka la duh syndon ia la ka jingim ha shen kaba dei hadien ba la suba ba ka la shah ïuh ha ka trok na ki bynta jong ka khlieh haduh ban da pra phum.

Kane ka jingjia ka la jia hynnin ka miet ha ka por 12 baje ei ei mynmiet ha Kamla Bagan ha ka thain Killing ha Ri Bhoi District.

Kane ka samla ba la shah ïuh ha ka trok la tip kyrteng kum ka Blessbina Marak ha ka rta kaba 21 snem na ka shnong Jorbil Killing.

Kumba la ioh lum jingtip, halor kane ka jingjia ym pat lah satia ban ioh ia ka jingtip kaba bniah ha kaba la suba ba ka la shah ïuh ha ka Trok bad ba la lap ba ka la thiah iap lynktar ha surok ba la lap ia ka da ki nongleit nongwan ha katei ka thain.

Hadien ba la lap ia kane ka samla, ki la pyntip noh mar mar sha ki Pulit ka Khanapara  ba ki Pulit ruh ki la hiar mador ban ioh tohkit halor kane ka jingjia bad hadien ka jingtohkit la rah noh ia ka sha Civil hospital Nongpoh na ka bynta ban pyndep ia ka Post mortem examination.