Ka KSU Lum Mawbah Unit haka jingïalam u Samla Hopefulborn L Mawnai President lem bad ki dkhot mynta ka sngi kala leit ban ïakynduh syndon ïa u Chief Engineer ka tnad PWD Roads namar ka jingjot rathai jong u surok ha katei ka shnong kaba la buh jingeh ïa kiba bun ki paidbah haka leit ka wan khamtam ki khynnah skul nalor ba u surok u la dei lypa u ba rit.
Naka liang ka seng kala buhr uh ka jingkyrpad hakhmat u CE ban maramot kham kloi ïa ka surok shnong Lummawbah bad ban pynsted ka jingtreikam ban pynbha bad pynsuk bad wanrah ïaka jingshngaiñ ki paidbah haka leit ka wan.
Ka seng ruh ka lah pan ia ka jingpynshai ruh na U CE halor ka jing pynslem ban shna pynbha ia ka surok ha kaba u la jubab ba ka don ka jingpynslem na ka liang jong kawei pat ka tnad treikam kaba don ka jingiatreikam lang bad naka liang u CE u lah kular ban shim khia ia ka kam bad ban pynsted ban maramot bad ban pynbha ia ka surok shnong Lummawbah.
