Nongpoh, Jylliew 05: Watla ka ktien ka kren ba ka jingshakri ia ki para bynriew ka dei ka jingshakri ia u Blei, hynrei ki nongtrei ka jaka sumar pang paidbah jong ka Bethany Outreach Hospital Nongpoh mynta ka sngi ki la pyni pat sa kawei ka nuksa ban shakri Blei da kaba burom ia ka Mei Mariang kaba la buh la thaw shuwa da u Trai Kynrad bad kane ka long da kaba leit ban kiew ia u Lum hapoh ka shnong Pahamsyiem ban leit thung ia ki 200 tylli ki tynrai dieng khnang ban pynneh pynsah ia ka mei mariang ban pynjyrngam ruh ia ka.
Ia kane ka sienjam, ba la shim kyrpang da ki nongtrei ka Bethany Hospital ban pyni ia ka nuksa burom ia ka Mei Mariang ka dei ruh shibynta ka jingpynkhreh jong kane ka jaka sumar paidbah ban rakhe ia ka jingkynjoh ia u mawmer ba 10 snem ha ka jingshakri ia ka imlang ka sahlang lyngba ki lad jingsumar pang bapher bapher.
La lamkhmat hi ia kane ka sienjam Sumar Mariang, da u trai kane ka jaka sumar pang paidbah u Bah David V. L Sailo Kharsaithiang,ha ka jingiadonlang ruh u Dr. M Pohshna Dy. Medical Superintendent kane ka jaka sumar nalor ki Nurse’s Association bad kiwei kiwei ki Nongtrei kane ka jaka sumar ia kaba la kyrshan bad ai mynsiem da ki ophisar kiba la mihkhmat da u Bah Bijoy Lyngdoh, kum District Forrest Ophisar, Ri Bhoi District, Bah Pynshai Kharkongor, District Waterborne Disease Control Consultant, u Bah Jetwin Lyngdoh, Rangbah Shnong Pahamsyiem bad kiwei kiwei.
Hashwa ban leit kiew sha u lum ba la pynkhreh da ka Dorbar Shnong Pahamsyiem ban thung ia ki 200 tylli ki tynrai dieng, la pynlong ruh ia ka jingialang ban maitphang halor ka jingrakhe ia ka sngi kyrpang ia ka Mei Mariang kaba dei ka World Environment Day nalor kiwei kiwei pat ki jingai jingtip jingnang halor ka koit ka khiah ba la ia shimbynta da ki nongkren ba kyrpang ha kane ka sngi ia kaba la pynlong hapoh ka Iingdorbar jong ka Shnong Pahamsyiem.
HASHWA BAN RAKHE IA KA JINGDAP 10 SNEM: KIEW BAN THUNG DIENG KI NONGTREI KA BETHANY HOSPITAL
RELATED ARTICLES
Recent Comments
on Katba ai jaka ka sorkar ngi pdiang beit tang ban biang ki Driver Trok, dawa pynsted iaka kam: MCTODA
on Meghalaya CM says compensation, loan waiver for ASF-hit farmers difficult; agri policy by October
on Kyntu u Tengjen Imna Along iaki samla pule ka USTM ban weng ka jingsngew niam bad sngew jaidbynriew
on Kyntu u Tengjen Imna Along iaki samla pule ka USTM ban weng ka jingsngew niam bad sngew jaidbynriew
on Ka phatok kadei kaba pynphrang bad pynsatar mysniem ban ieit ia ka jaid bynriew, ong u President KSU
on Palat 160 Ngut Kiba Khlad, Dang Jah Rngai Daki Hajar Ngut Kynthup 130 Ngut Ki Nong India Ha Nepal
on Shlei um kynsan ha ka Shnong Nepal, iap 17 ngut bad julor bun tylli ki ing ki sem, ki jingdon jingem
on Shlei um kynsan ha ka Shnong Nepal, iap 17 ngut bad julor bun tylli ki ing ki sem, ki jingdon jingem
on Ka PMVDY ka Pynroi ïa Ki Lad Kamai Kiba Lah ban Pynneh Bad Ka Jingpynmih Kam La Jong ha Meghalaya
