Nepal,Nailar 26: Palat 160 ngut ki briew ki duh noh ïala ka jingim bad da ki hajar ngut ki dang jahrngai hadien ka jingshlei kynsan ka umktieh hynnin ka step ha ki shnong khappud jongka Ri Nepal bad Tibet kaba la pynjulor naphang ïaki ing ki sem, ki shnong ki thaw ruh bad ki lynti syngkien kiba ngat haka lynti ïaid jongka.
Katkum ki durkhih kiba la ioh, la sakhi ba katei ka umktieh kaba shyrkhei kala rat naphang ruh ïaki surok, ki jingkieng bad la antad ruh ba ka jingkhlad jong ki briew na kane ka jingwan lynshop ka mariang kan dang kiew katba ka jingpyrshang ban wad bad pyllait im ïaki lanot ka dang ïaid shakhmat.
Ki stad Geologist and Glaciologist ki la pynpaw ba kane ka jingshlei kynsan katei ka um ha ryngkat ka ktieh kadei namar ka jingtwa kynsan jong ki thah haki lum Himalaya bad tuid sha ka wah Bhote Koshi bad Trishuli hap hapoh Rasuwa District jongka ri Nepal.
Ka tnad Tourism ka ri Nepal kala pyntip ba kumba 400 ngut ki nongleit jngohkai pyrthei ki dang jahrngai ba kynthup 130 ngut na India, 47 na United States, 34 ngut na Australia, 33 ngut na ri Bilat, 24 ngut na Canada, 19 ngut naka ri Malaysia lem bad katto katne ngut ki nongshong shnong ka ri South Africa bad Netherlands.
Peit ruh:
