Nongpoh, Nailar 28: Na ka daw ka jingjur slap kawei ka longing ka la lait na ka jingjia kaba sngewsih bad 3 ngut ki la shu mynsaw, ha kaba mynta ka tep ka la don ka jingtwa khyndew kaba la ban ia kawei ka ïing ha 13mer Assam ba hap ha ka shnong Chota Tandu ka shnong khappud Meghalaya bad Assam ha Ri Bhoi District.
Kane ka jingjia ka la jia ha ka por 7 shiteng mynstep ha kaba kitei ki longïingki dang ioh thiah bad kyndit kynsan ka khydew ka la twa ban tap ia katei ka ïing ba 3 ngut ki la mynsaw na ka jingshah ban ba ka khyndew.
Kitei ki 3 ngut kiba la mynsaw ki kynthup ia u Chandra Marak, 35 snem ka rta, ka Sunita Sangma 25 snem ka rta bad ka Riknosha Sangma, 7 snem ka rta bad ia kine kiba la mynsaw la rah noh mardor sha ARHI Hispital ban ioh ia ka jingsumar.
Kito kiba la lait na ka jingmynsaw ki la ong ba kum kane ka jingjia ka shaid jia teng ha u snem 2020 ha kaba 2 ngut ki mynsiem ba kordor ki la duh ia la ka jingim bad mynta ka kynti wat lada don tang kiba mynsaw bad ka jingjulor katei ka ing pat ka la ktah jur bad ka la wan rah ka jingduhnong kaba khraw ia katei ka longïing.
Peit ruh:
