Ka ophis u District School Education Officer bad Sub-Divisional School Education Officer ka Ri Bhoi District mynta ka sngi ki la pynlong ia ka jingrakhe kyrpang ia ka sngi ki nonghikai ba la tip kum ka “63rd Teachers’ Day Celebration 2024” ha St. Paul’s Parish Hall. U Bah Sosthenes Sohtun, MLA of ka Jirang Constituency, u la wan ban shim bynta kum u kongsan bad la sakhi lang ruh da ka jingdon lang u Abhilash Baranwal, Deputy Commissioner ka Ri Bhoi District kum u symbut kongsan.
Ha kane ka jingrakhe la wan shim bynta ruh da ki khynnah skul, ki noinghikai na ki skul bapher bapher ka Ri Bhoi bad la sam ruh ia khusnam ba la tip kum ka District Award sha ki nonghikai kiba la shah jied mynta u snem.
U Bah Sosthenes Sohtun u la pynpaw ka jingkmen bad ai mynsiem ruh ia ki nonghikai kiba la len lade ban tei ia ka lawei ba phyrnai jong ka jylla bad ka ri. U la ban khia ruh ba dei tang ka jingnang jingstad ha ka jylla bad ka ri ba ngin lah ban kiew ha baroh ki liang.
La pynphuh pynphieng ruh ha kane ka sngi, da ki jingrwai, ki jingshad bad kiwei kiwei ki prokram ba la shim bynta da ki khynnah skul ban ai burom ia ki nonghikai ha kane ka sngi kyrpang jongki.
