U Hardik Pandya, uwei na ki nongialehkai kriket ba pawnam ka ri India lyngba ka instagram post ka jong u lem bad ka lok ka jong u, ka Natasa Stankovic, da kawei ka jingmut ki la shim rai ban ia pynlait san shyieng noh hadien ba ka la mih ka jingbym iasngewhthuh jingmut na ki daw kiba bun.
Kitei ki ar angut shi lok, ki la pynpaw paidbah ia kane ka bynta ha ka post Instagram ka jongki baroh arngut kaba la pyllait paidbah mynta ka sngi ha kaba ki la iathuh ba hadien saw snem jong ka jingiadon ryngkat kum shi lok, ki la rai ban ia khlad san shyieng noh bad leit hala ka jong ka lynti.
Lyngba katei ka instagram post, kitei ki ar ngut shi lok ki la iathuh ruh ba wat lada ki la pyrshang ban aiti lut ia kaei kaba ki don ban pynneh ia ka jingiadei, hynrei kim banse ban shim ia kane ka sienjam kaba jynjar bad kaba eh, da ka jingsngewthuh jingmut lang baroh arngut, na ka bynta ka jingbha lang.
Lyngba katei ka Instagram post, kitei ki ar ngut shi kurim, ki la pyntip ba ki la don uwei u khun uba la ai kyrteng Agastya, u ba kum ki kmie kpa, ki la ong ba un don beit hapdeng ka jingsumar ka jongki baroh ar ngut, wat lada ki la rai ban ia khlad noh ruh, da kaba kyrpad sha ki la pathai khubor ba kin burom ia ka jingim shimet ka jongki ha kum kane ka por ba ki don hapdeng ka jingeh jong ka jingiaid lynti ka jingim ka jongki.
