Nongpoh, K’lyngkot 29: U Samla Kerborlang Hinge, na Ka shnong Bhoirymbong Lumsohpieng, Ri Bhoi District, uba dei uwei na u rangialehkai kickboxing na ka Lino Spark Combat Club, Bhoirymbong un sa leit ban ia ai reng ha ka 4th WAKO India Open International Kickboxing 2025, ka ban long ha Nongbah Delhi.
U Samala Kerborlang Hinge un sa leit ban mihkhmat na ka Meghalaya State Kickboxing Association, ha kaba katei ka lympung kan sdang naduh ka 1 tarik Rymphang haduh ka 5 tarik u Rymphang 2025 ha Nongbah Delhi.
Kum u samla uban leit mihkhmat sha katei ka lympung, ka dei ruh halor ka jingshah pyntbit jong u ban lehkai ha ka jingai jinghikai u Samla Sparkle Rynghang lyngba ka Lino Spark Combat Club, Bhoirymbong. Kane ka India Open International Kickboxing Tournaemnt 2025 ka dei kaba pyniaid da ka WAKO India Kickboxing Federation ha ryngkat ka jingiatrei lang bad ka WAKO IF Italy.
