Kum shi bynta ban wad bniah halor ka jinghikai sha ki jaka ai jingsumar ba kan long kaba paka ha ka rukom ai jingsumar, ka PA Sangma International Medical College & Hospital (PIMCH), jong ka skulbah USTM ha Ri Bhoi mynta ka sngi ka la pynlong da ka prorkam ai jinghikai ba la tip kjm ka ‘Good Clinical Practice’, ban ai jingpynkupbor ne ki lad kiba dei shaphang ka jingwad bniah ia ki rukom sumar ne ki dawai. Ia kane ka prokram ai jinghikai la ia trei lang ruh da ka INFOCLIN Consultancy.
Ki riew shemphang kiba la ai jingkren ha kane ka sngi ki kynthup ia u Prof. Dr. Subhrojyoti Bhowmick, M.D, u Clinical Director jong ka FISQua (UK), Academics, Quality & Research, Peerless Hospital, u B K Roy Research Centre, Kolkata; Ka Prof (Dr) ka Anita Dakua, Associate Prof, ka tnad Pharmacology, ka PIMCH; Ka Sabari Dasgupta, ka Senior Clinical Trial Monitor, ka INFOCLIN bad ka Prof (Dr) Pinaki Chakravarty, kaba dei peit ia ka tnad Pharmacology jong ka Tezpur Medical College bad kynthup ruh naduh ki nonghikai, ki doktor, bad ki samla pule jong ka skulbah.
Haba ai jingkren ha kane ka sngi, halor katei ka phang “ICH-Good Clinical Practice (GCP), kaba dei halor ka lad ka phang ba ngi dei ban tip shaphang kata ka Clinical Research, u Prof (Dr) Subhrojyoti Bhowmick, u la ong ba ka GCP ka dei ban don lang kata ki nongkitkhlieh, ki nongkyrshan bad ki nongtohkitkhlieh bad ruh ki bor pyniaid jong ka ain.
Kumba u la pynpaw, ki kyndon jong ka GCP, ka thmu ba ngi dei ban don kata ka mynsiem da ka mon lade, ka mon sngewbha bad ka jingmynjur bad ruh ngim dei ban pyndonkam bakla ba ka jingdon ki jaka ai jingsumar (Good Clinical Research) kan ialam bakla, hynrei ka dei ban long ka jingiarap ban pynbha ia ki rukom sumar bad ruh ki rukom ai dawai, ka ban iarap ia ki paidbah ha ka pang ka shitom khlem kano kano ka jingpyndonkam bakla bad ruh kaba ai jingmyntoi shisha ia kiba pang ba shitom.
U Dr Bhowmick, u la ong ruh ba ngi dei ban bud ia kita ki kyndon ka GCP, na ka bynta ban pynlong ia ki jingwad bniah ha ka liang ka koit ka khiah (biomedical research) bad khamtam ha ki kyrdan jong ka jingpynmih ia ki dawai ha ka ri India. U la ong ruh ha kaba ia dei bad ka GCP don kam ka jingtreikam kaba bha ha ki jaka sumar kiba kynthup ia ka kyrdan na ka bynta ka jingpynwandur, jingpyniaid, jingtreikam, jingpeit bniah, jingthoh, jingbishar bniah, bad ka jingai jingtip ia kaba bniah ha kito ki jaka ai jingsumar, da kaba ngin pynthikna ba ki jingtip bad ki jingmih ba la ai jingtip ki long kiba lah ban pdiang, kiba thikna, kiba hok bad ruh ka jinglong janai ka ban nym ktah ia ki paidbah.
