Ka Narleiñ Nongbah Pastorate ba kynthup ïa ka Balang Mawrong, Umkei, bad ka Balang Mawsyiem bad kiba hap ruh ka jingpeit jingkhmih ka Kynhun Balang Kseh Kynjoiñ, mynta ka sngi kila ioh ban buh syndon da mawnongrim ban sdang noh ïaka jingshna ïaka ophis treikam ba pura jong katei ka Pastorate naka bynta ban ioh pyntyllun ïaki kam ki jam jong ka Balang.
Ia une u mawnongrim ban tei ia ka ophis ka Narleiñ Nongbah Pastorate ba hap ha ka Ri Bhoi Presbyterian Synod la plie da u Rev. M.B Makri, Pastor Incharge ka Narleiñ Nongbah Pastorate ha ka shnong Mawlingai bad u MLA ka Mawhati u Bah Charles Marngar u la shim bynta kum u kongsan, ha ryngkat ka jingsakhi ki nongialam ka Balang bad ki paid riewngeit ka Balang Presbyterian ba hap ha katei ka pastorate.
Ïa ka jingshna ïakatei ka ophis treika ba pura ka Narleiñ Nongbah Pastorate la mang ruh lyngba ka skhim SRWP kumba 5 lakh bad ha katei ka juh ka sngi naka liang u MLA u la ioh ruh ban aiti kawei ka laptop sha ka CE Society ba kin ioh ban treikam.
U Bah Charles Marngar u la ai ka jingïaroh ïaka jingiohi jngai jong ka Pastorate bad kane ka dei ka dei ka jingsdang jong ka jingïarap ha kaba kum u nongmihkhmat un dang ai ka jingtreilang ban dang pynkhraw shuh shuh ïaki kam jong ka Pastorate ryngkat ka jingkyrmen ba ka Pastorate kan lah ban pyndep kloi ïakatei ka jingthmu haka por kaba biang naka bynta ba kin lah ban pyntyllun ïaki kam ki jam.
