Shillong, Jylliew 16: Katba dang ïaid ka jingtohkit ïa ka Sonam Raghuvanshi bad kiwei ki runar kiba la kynnoh don kti ha kaba pynïap ïa u Raja Raghuvanshi, Ki pulit ka jylla mynta ka sngi ki la rah ïa ka Sonam Raghuvanshi sha ka jaka ai jingsumar ka Meghalaya Institute of Mental Health Neuroscience Shillong (MIMHNS) na ka bynta ban leh ïa ka medical check-up.
Haba leit rah ruh sha katei ka jaka ai jingsumar ïa ka Sonam la ïalam da ki Pulit ryngkat ki bor pahara kaba jur da ki Pulit.
Kum ba pynkynmaw, halor ka jingkynnoh don kti ban pynïap ïa u Raja Raghuvanshi ha Sohra ba la kynnoh donkti da ka Sonam ka kurim jong u bad ryngkat ki 4 ngut ki runar bad haduh mynta ki dang don hapeng ka jingtohkit ki pulit ka jylla halor kitei ki kam runar ba ki la leh.
La ïathuh ruh ïa ka Sonam bad kitei ki 4 ngut ki Pulit kin sa ïalam sha Sohra ha ka 17 tarik u Jylliew 2025 na ka bynta ban pynwandur biang halor ka jingshah pynïap u Raja Raghuvanshi.
