Nongpoh, Nailur: Kawei ka Karkhana shna Trok kaba don ha 13Mer, Byrnihat ha Ri Bhoi, ka la kem ding kynsan bad ha katei ka jingjia ba kemding kynsan katei ka Karkhana, ka la pur sha kawei pat ka iing kaba don 20 kamra bad sha ka dukan die tiar kali, haduh ba kin dang ingkhong hi khait.Katei ka jingjia, ka la jia mynta ka step ha ka por 10 baje eiei mynstep, kata ha ka por ba ki nongpeit bad ki nongtrei ha katei ka Karkhana, ki dang leit Puja namar ba ka dei ka Lehniam Puja Nar jong ki Hindu.
La shu suba ba ka daw jong katei ka jingkem ding kynsan katei ka Karkhana, ka dei na ka jingthut ka Bording ha katei ka Karkhana.
La lah ban tehlakam ia ka ding na kaba pur sha kiwei pat ki jaka bad khamtam ia ka Petrol Pump kaba don marjan, ka dei na ka jingpoi kloi ki Pulit pynlip ding na Meghalaya bad Assam, kiba la lah ban pynlip noh ia ka ding.
Ha katei ka jingjia, ka la don tang ka jingjulor ia ki mar ki mata, hynrei ym shym la don kiba la mynsaw ne ki jingjia ba sngewsih.
