Kawei ka Trok katba ka dang wan na Khanapara ban leit sha Shillong ka la leit tynrah ia u Divider ka surok National Highway-6 bad hadien kata ka la leit tynrah sa ia ka kynroh kaba la jia mynta ka sngi U Blei.
Kane ka jingjia ka la jia mynta ka sngi ha ka por 1.50 pm ha Narang hajan ka Weighbridge, ha kaba kane ka Trok ka don ia u number ML 05 AA 0501 bad ba la niah ruh da u Bhi B. Kunwar uba dei na Jhalupara, Shillong East Khasi Hills.
Ki pulit ka Byrnihat Police Station tang mar ia ioh jingtip halor kane ka jingjia, ki la phah ia ki bor pulit ban leit tohkit bad ha ka jingleit tohkit la lap ba ym shym la don satia kiba mynsaw bad lait noh tang ka jingjulor katei ka trok na ki bynta ba shakhmat hadien ba la tynrah ia u Diver bad ia ka kynroh.
Kumba la ioh lum jingtip, la ong ba kane ka jingjia ka la jia ka dei tang na ka daw ka jingshoh samthiah u dribar ha kaba kynsan kynsan u la leit tynrah ia u Diver jong ka surok 4-lane bad hadien ka jingtohkit ki Pulit ki la tan noh ia katei ka Trok sha Byrnihat Police Station.
