IMPHAL, NAITUNG 30: Ki bor pulit jong ka jylla Manipur hynnin ka sngi, ka 29 tarik u bnai Naitung 2024, ki la ioh ban kem noh ia ar ngut ki ehrang kieng atiar jong ka seng lehnoh RPF/PLA na Imphla West District ha ka jingkhynra kaba la neh kumba katto katne kynta.
Kitei ki ar ngut ki ehrang kiba la shah kem noh ki kynthup ia u Wahengbam Tombi Singh, 47 snem ka rtaba ju khot sin ruh kum u Ibetombi lane Chaothoi ba uwei pat uba la tip kyrteng kum u Thoudam Hemchandra Singh, 42 snem ka rta ba ju khot sin ruh kum u Ingo.
Ka tyllong khubor na ki pulit, ka iathuh ruh ba kitei baroh ar ngut ki ehrang kiba la shah kem, kidei kiba don bynta ha ki kam dawa pisa na kiba bun ki jaka pule bad ruh na ki dukan jong ki riewshimet.
Na ka met jong kitei ki ar ngut, ki pulit ki la ioh ban kurup 4 tylli ki mobile phone, kawei ka pla pisa ryngkat ka pisa kaba T. 13,520 bad kawei ka kali saw shaka.
