Ka East Bengal FC ka la lah ban pynliem noh ia ka Indian Air Force, ka kynhun ialehkai ki shipai suin ka India, ha kaba ka East Bengal FC ka la lah ban pynliem da 3-1.
Ia katei ka jingiakhun hapdeng ka East Bengal FC pyrshah ia ka Indian Air Force la pynlong ha Vivekananda Yuba Bharati Krirangan Stadium kaba don ha Kolkata.
Ka jingiakhun mynta ka janmiet, ka long ba ka Indian Air Force ka la lah ban lamkhmat ia ka jingiakhun bad kaba la ioh ban pynkhihjar ha ka minit ba 19 jong ka jingiakhun, hynrei katei ka kol kam shym la neh slem, namar ha ka minit ba 43 ka East Bengal FC ka la ioh ban pynkhaid bad kiba la pynkut noh ia ka kylla step jong ka jingiakhun da 1-1.
Haba bteng ka kylla miet, ki rangialehkai ka East Bengal FC, ki la lah ban ialehkai khambha bad kiba la nion tyngeh ia ki rangialehkai ka Indian Air Force bad dei ha kaba kum katei ka por, ki la ioh ban pynkhih jar ha ka minit ba 61 bad minit ba 60, kaba la pynlong ruh ia ka kynhun ba kan pynliem noh ia ka Indian Air Force da 3-1.
