Ka jingiakhun hapdeng ka Manchester United pyrshah ia ka Chelsea, kaba la long hynnin ka miet ha Old Trafford, ka la kut noh ha ka jingiakhaid kaba 1-1.
Lyngba katei ka jingiakhaid pyrshah ia ka Manchester United, ka Chelsea ka la kiew sha ka kyrdan ba saw, katba ka Manchester United ka dang don mynta ha ka kyrdan ba 13 jong ka miej iakhein poin ka English Premier League jong ka Samoi 2024/25.
Haba phai sha katei ka jingiakhun hapdeng ka Manchester United pyrshah ia ka Chelsea, ka kylla step jong ka jingiakhun ka la kut noh ha ka jingiakhaid kaba 0-0, watla kitei ki ar kynhun, ki la ioh ia ki kabu ban pynkhih jar, hynrei ki khlem lah ban pynurlong sha ki kol.
Haba la bteng ka kylla miet, ka Manchester United ka la ioh ban pynkhih jar nyngkong, ia kaba la thep da u Bruno Fernandes ha ka minit ba 70, uba la thep ha ka dur jong ka penalty. Hynrei katei ka kol ia kaba la thep da u Bruno Fernandes, kam shym la neh slem, namar ha ka minit ba 74, ka Chelsea ka la ioh ban pyniakhiad lyngba u Moises Caicedo bad kaba la neh haduh ba kut ka jingiakhun bad kiba la hap ban hun da kaba iasam mar shi poin na katei ka jingiakhun.
