Khliehriat, Nailar 28: Namar ka jingsngewkhia halor ka jingeh ki Driver kiba trei bad ki Kharkhana pynmih Dewbilat bad ruh kito ki kynhun ba pyniaid iew ia u Dewbilat, ki nongialam ka Meghalaya Commercial Truck Owners and Drivers Association (MCTODA) ryngkat bad driver hynnin ka sngi ki la kynduh ia u deputy Commissioner ka East Jaintia Hills bad ia u Superintendent of Police ka East Jaintia Hills ban ia kren halor shibun ki jingeh ba ia kynduh kitei ki Driver trok kiba trei bad ki Karkhana ba pynmih ia ki Dewbilat.
Ha kane ka jingiakynduh, la don lang u President ka MCTODA u Bah Moslander Marngar, ki nongialam ka MCTODA Jaintia Hills Unit lem bad kitei ki driver ha ryngkat u Deputy Commissioner bad u SP ka East Jiantia Hills. La don ryngkat ruh ha kane ka jingiakynduh da ki nongmihkhmat ka Star Cement bad kito ki nongshalan ia ki dewbilat.
Haba kren sha ki lad pathai khubor u Bah Moslander Marngar u la ba ka daw kaba la pynlong ia ka seng ryngkat ki dirbar ban kynduh ia u DC bad SP ka District, ka long ban pynpaw halor ki jingdawa jong ki dribar kiba la shah khnioit bein naduh ka tulop, khlem da siew thikna ia ka bai bam bad ka bai trip haba ki leit ban pynhap dewbilat.
Pule ruh: Mynsaw 3 ngut ba twa kynsan ka khyndew haka ïing, lait thaw kiba dang ioh thiah
U la ong ruh ka khubor kaba kmen kaba mih na kane ka jingiakynduh lang ka long ba u DC u la btah ia ki Karkhana pynmih Dewbilat ne ki nongshalan Dewbila tba ki hap ban pynbiang thik pathik ia ki tulop, ka bai bam bad ka bai lynti jong ki dribar, kaba dei katkum ba la iakut hapdeng ki driver bad ki Karkhana pynmih dewbilat.
Shuh shuh, u la pynpaw ruh ba wat ki driver ruh ki hap ban sngewthuh ba nangne shakhmat ki dei ban pyntreikam daka soskular haba ki trei kam ha kitei ki karkhana bad dei ruh ban bud katkum ki lynti treikam ki Karkhana khnang ba maki ruh kin nym shah ktah ha ka kam ka jam.
Peit ruh:
Shuh shuh, u la bynrap ruh lyngba kane ka jingiakynduh ka rai ban pdiang ne kyntait ia ka jingiakren ka shong ha ka rai jong baroh ki dribar bad kaba donkam eh ka long ba kum ki Driver ki hap ban iatylli lang haba ki treikam khnang ba kin nym shah khniot ha kitei ki karkhana, u la bynrap.
