Ha kaba ia dei bad ka jingjop ka kynhun Nongjri Presbyterian Secondary School ia ka nam laduh ka ka 63rd Edition Subroto Cup International Football tournament 2024, u Bah Charles Marngar kum u MLA ka Mawhati bad uba dei ruh u President ka Managing Committee ka Nongjri Presbyterian Secondary School mynta ka sngi u la pynpaw shisha ia ka mynsiem jong ka jingkmen halor kane ka jingjop jong kane ka kynhun kaba la wan rah ia ka nam bad ka burom ia ka Ri Bhoi bad ka jylla hi baroh kawei.
Kum u MLA bad u President ka Managing Committee, u Bah Charles Marngar, u la ai khublei kyrpang ia kane ka kynhun bad baroh ki ba la don bynta halor ka jingjop kaba khraw ba kane ka skul ka la ioh khur ia ka nam lahduh bad kane ka jingioh rah ia ka nam laduh ka long shisha ka burom ym tang ia ka skul bad ka burom ka leit sha ka district bad ka jylla hi baroh kawei.
Shuh shuh, u la pynpaw ruh ba kane ka jingjop kane ka kynhun jong ka skul ka la long shisha ka jingai mynsiem ia ki samla ba kin dang phai khmat sha ka kam ialehkai sport bad u kyrmen skhem ruh ba da ka jingjop kane ka kynhun kan long shisha kawei ruh na ka lad ban dang kyntiew ia ki kam ialehkai sport ha ka jylla, khnang ba ka kam ialehkai sport ruh kan long kawei na ka lad ai kam ai jam ia ki khun samla ha kum kane ka juk kyrduh kam kyrduh jam, u la bynrap.
