Ka University of Science and Technology Meghalaya (USTM) mynta ka sngi ka la rakhe ia ka sngi laitluid kaba 78 jong ka Ri India ha kaba la wan ai jingkren bad ai mynsiem da u Prof. Suborno Isaac Bari, u Professor ba khynnah tam ha ka pyrthei.
Kum ban pynkynmaw, u Prof. Suborno Issac Bari, u dei u professor ba khynnah tam ha ka pyrthei ha ka rta kaba dang 12 snem bad u dei ruh kum u nonghikai ha ka skulbah ha New York.
Ha kane ka jingrakhe la sakhi ruh kumba 6 hajar ngut ki samla pule, kiba la wan ban sngap bad ioh mynsiem da ka jingwan shim bynta une u Professor ba khynnah tam ha ka pyrthei..
Ia ka lama lai rong ka ri india la pynher ruh ha ka por 7:30 baje mynstep da u Prof. Suborno Issac Bari kum u kongsan bad la pynkup burom ia u ruh da u Pro Vice Chancellor u Padma u Dr. Debnath ha ryngkat ka jingdon lang u chancellor ka USTM u M. Hogue, ki nonghikai bad kiwei kiwei.
La pynphuh pynphieng ruh ha kane ka sngi da ki jingshad bad ki jingrwai tynrai ba la shim bynta da ki samla pule bad la don ruh ka jingiaiaid paidbah ban pyni ia ka mynsiem jong ka jingiatylli ba la shim bynta ruh da I 8 tylli ki kynhun ki samla na ki jylla shatei lam mihngi ka ri India.
Haba ai jingkren ruh ha kane ka sngi, u Prof. Bari u la ban khia halor ki kam bah ba dei ban leh da ki samla ban trei na ka bynta ka lawei ka ri India bad u la ong ruh ba u dap da ka mynsiem ka jingkmen ban ia don bynta ha kane ka sngi ban rakhe ia ka sngi laitluid ba kum ki samla ki hap ban shim ia kata ka lyngkor na ka bynta ban saindur ia ka jingkiew shaprang ka ri India bad ha ka pyrthei hi baroh kawei.
