Ka Indian Super League (ISL) jong ka samoi 2024/2025 kan sa sdang ha ka 13 tarik mynta u bnai ha Salt Lake Stadium, Kolkata, ha kaba ka jingiakhun kan long hapdeng ki artylli ki kynhun ba radbah ha ka ISL, kata hapdeng Mohun Bagan pyrshah ia ka Mumbai City Football Club.
Ka Mumbai City FC kaba dei ruh ka lahduh ha ka ISL jong ka samoi 23/24, ha kaba ka la lah ban pynliem noh pyrshah ia ka Mohun Bagan da 3-1.
Ha ka ISL ba mynta u snem, ki don 13 tylli ki kynhun kiba ban iakhun kawei ia kawei pat, ha kaba ka jingiakhun kan dei mar arsien iakhun bad kano ka kynhun kaba poi sha ka thup jong ka Top Four ha ka miej iakhein poin bad ki ban iohlad ban iakhun ia ka Semi-final.
Kano kano ka kynhun kaba long kum ka nongjop ha ka ISL, kan sa ioh ia ka kabu ban iakhun ne aireng ha ka AFC Cup, kaba la don da kiwei kiwei ki Klob ba la bna nam ha ka pyrthei kiba dei na Dewbah Asia.