U Myntri ka tnat of Animal Husbandry and Veterinary, u Bah AL Hek u pyntip baka tnat kala phah ka jingtyrwa shaka Sorkar Pdeng ban tei daka Veterinary College hapoh Meghalaya.
U Bah Hek u la pyntip baka jingtyrwa kadei ban tei daka Veterinary College Kyrdem Kulai Ri-bhoi District.
“Ngi la dep phah ïa ka jingtyrwa sha ka Sorkar India lyngba ka skhim PM-DEVINE bad ngi kyrmen ba ngin sa ïoh ïa ka jingmynjur bad ka jingmang tyngka na ka bynta ka Veterinary College” la ong u bah Hek.
U Bah Hek u la ong ba ka tnat Veterinary haduh mynta ka la don lypa ka jaka kaba palat 800 akar bad lada donkam jaka shuh, ka tnat kam don jingeh ban ai shu ka jaka na ka bynta ka College.
Haba kylli halor ka jinglut jingsep jong ka projek, u bah Hek u la ong “Haduh mynta ym pat lah ban shna ia ka DPR”.
U bah Hek u la pyntip ba ki don bun ki samla pule na ka jylla Meghalaya kiba pule shabar bad kiba dang pyndep ia ki jingpule naki Agriculture ne Engineering College bad da ka jingbuh ia ka Veterinary College ki samla pule ki lah ban ioh ia kajuh ka kyrdan, bad kajuh ka jinghikai hapoh ka jylla.
