Ka long ka jingkmen kaba khraw bad ka jingkyrkhu ia ki paid riengeit ka Balang Presbyterian Umjari ba hap ha ka Ri Bhoi Synod, ha kaba ha ka sngi U Blei kata ha ka 15 tarik u Nailur 2024 da ka jingdon lang ki paid riewngeit ki la ioh ban pynkyntang ia ka ingmane kaba thymmai ba hap ha ka Shnong Umjari ha Ri Bhoi District.
Haba phai dien halor ka jingiaid lynti kane ka Balang Presbyterian Umjari, la seng ia kane ka Balang naduh ka 15 tarik u Nohprah 1945 bad haduh lai sien kynthih la shna ia kane ka ingmane Umajari bad katkum ka jingiaid ka por ka la hap ban shna biang ia ka ingmane ba thymmai kaba dei katkum ka jingiaid ka por bad ka jingnangroi ki paid riewngeit ha kaba da ka jingsarong ha ka sien kaba saw la ioh ban pynkyntang biang ia kane ka ingmane kaba long kata ka shlem ba ki paid riewngeit ki ai ia ka nguh ka dem bad ka shlem kaba saindur ia ka jingim khristan kum kita kiba ngeit ha u Blei.
Kumba la pynpaw, dei ha u snem 2011 ka Balang Presbyterian Umjari ka la sdang ban tei iaka iingmane kaba saw kaba don iaka jingheh kaba 80ft la 45ft bad lyngba ka jingiakyrshan kaba ratbah daki paid riewngeit bad ki riew shimet la lah ban pyndep iaka iingmane ha une u snem 2024, ha kaba ka jinglut jingsep ka la kot sha ka 68 lakh, 90 hajar tam.
Ka long ruh ka burom ia u Blei Nongbuh nongthaw, ha kaba ha kane ka sngi u Blei la ioh ban pynkyntang syndon ia katei ka iingmane da u Rev. R.K Marsing bad I Tbn. D Trang haka jingiadon lang u Tbn Mayralborn Syiem uba dei ruh u MLA ka Nongpoh bad u Bah Balajied Ranee, MDC Nongpoh lem bad ki paid riewngeit jong ka balang Presbyterian Umjari lem bad ki para marjan shnong hakaba ha kane ka sngi la ioh ruh ban pynlong iaka Jingiaseng Paidbah.
La pynphuh pynphieng ruh ha kane ka sngi da ki jingrwai Choir da ki khun samla ka Balang bad ryngkat ki jingpharia ia ka ktien jong u Blei da u Rev. R.K Marsing.
