Ha ka jingiaid shakhmat ban pynsngewthuh ia ka jingma kaba ap na ka jingkiew ka jingpang bampong ba la tip kum ka Blood Cancer, bad na ka bynta ban pynkoit ia ka jingpang bampong lyngba kita ki kynja snam ba la tip kum ka Blood Stem Cell, ka DKMS BMST Foundation India, kaba dei kawei na ka kynhun treimon sngewbha ban ia khun pyrshah ia ka jingpang bampong, ka la pynlong da ka jingpynrung kyrteng ia kito kiba kwah ban ai snam mynta ka sngi ha ka skulbah University of Science and technology, Meghalaya.
Ka jingthmu kane ka jingpynrung kyrteng ka long ban pynshlur ia ki samla ka jylla bad ki paidbah nonghsong shnong ka Meghalaya ban mih shkhmat ban pynrung kyrteng bad ruh ban ai snem ei lyngba kata ka snam ba la tip kum ka Blood Stem Cell, kaba dei ka kynja snam kaba lah ban pynkoi ia ka jingpang bamong (Blood Cancer).
Lyngba jong kane ka sngi, la pynlong ruh ia ka Press Conference da ka DKMS BMST (Bangalore Medical Services Trust) bad ka skulbah USTM, ka thong ban pynsaphriang halor ka jingkordor jong ka jingai snma lyngba kata ka Blood Stem Cell ban pynim ia kito ki nongpang kiba shah ktah na ka jingpang bampong.
Ha kane ka Press conference la ai jingkren naduh u u Dr Minerva Mary, HOD, Donar Request Management ka DKMS-BMST na Bangalore, U Syantan Dutta Gupta, HoD, Doner Recruitment DKMS BMST, u Prof GD Sharma, Vice Chancellor USTM, Prof Dr Biraj Kumar Das, Principal PIMC, bad u Nakul Chandra Deori, Youth Officer, National Service Scheme, ha kaba ki la ban khia jur ia ki samla ka ri ban mih shakhamt ban synniang ia kata ka snam ba la tip kum ka Blood Stem Cell, kaba dei ka kynja snam kaba lah ban pynkoit ia ka jingpang bampong ha ka ri.
Uwei na u samla uba la ju synniang ia kata ka Blood Stem Cell, u Gautam Kumar na Jharkhand u la ai jingkren bad iathuh shaphang ka jingiaid lynti jong u, kaba u la ju synniang ia kata ka Stem Cell bad u la pynpaw ruh ka jingkmen ba u la lah ban pynim ia shibun ki briew ba shitom na ka jingpang bampong ki la ioh biang ia la ka jingim, kaba dei na ka daw kaba u la synniang ia kata ka Blood Stem Cell.
U la pynshlur ruh ia ki samla ka ri bad khamtam ha ki shnong nongkyndong ba kin mih shakhmat ban synniang ia kata ka Blood Stem Cell, ba bunsien ha nongkyndong ki dang duna bha kiba mih shakhmat bad lada don kata ka jingiatrei lang na baroh ki liang ngin lah ban pynim ia bun ki mynsiem ba kordor kiba ngat ia ka jingpang bampong lyngba kata ka jingkylluid mynsiem kaba ngi synniang ia kata ka Blood Stem Cell, u la bynrap.
Ka Dr Minerva Mary ka la ban khia ia ki samla ban mih shakhamt ban synniang ia kata ka snam stem cell jongki da kaba kin pynrung kyrteng, namar ha ka ri India man la ka 5 minit ki donkam ia kane ka snam na ka bynta kito kiba ngat ha ka Blood Cancer bad lada ki samla ki kloi ban ia trei lang ngin lah ban pynim ia kito ki briew kiba ngat ha katei ka jingpang bampong ba la tip kum ka Blood Cancer.
U Syantan Dutta ba ka DKMS-BMST ka la dep ban pynrung kyrteng ia ki samla haduh 6000 kiba la kloi ban synniang ia kata ka Blood Stem Cell na ki jylla shatei lam mihngi ka ri India bad na kitei ki samla haduh 1500 ngut ki dei na Assam bad kumba 170 ngut na ka jylla Meghalaya.
U Prof. G.D Sharma, Vice Chancellor ka USTM u la pynpaw ia ka jingkmen bad u la kular ruh ba ka USTM kan ai ka jingiatrei lang bad ka DKMS-BMST ban pynsaphriang ia kane ka khubor sha ki paidbah ka jylla bad ka ri, namar ban pynkoi ia ka jingpang blood cancer, ka jingpang bampong kaba ktah ia ki snam, ka dei tang lyngba ka jingiasynniang ia kata ka Blood Stem Cell, kaba dei ka kynja snam ha ka met u briew kaba lah ban pynkoit ia katei ka jaid jingpang bampong kaba ktah ia ki snam jong ki briew.
