Ka kynhun Nongtuh khlem jingsalia ki la leit ban kyndang ia kawei 2 tylli ki dukan ba kynthup ka dukan marbam bad kawei pat ka dukan studio ba la tip kum ka Moonlight Studion, kaba ki la shu pynpra ia ki tiar ki tar namar ba kim ioh ban rong tuh ei ei lait na katei ka dukan mabam ba ki la ioh ban rong katto katne ka pisa bad ki marbam.
La suba ba ki nongtuh ki la kyndang shiteng synñia bad namar ba ka dei ka jingkhang nar ki la shitom ban kyndang lut bad wat la katta ruh ki la ioh ban rong tuh katto katne ka pisa bad ki marbam na katei ka dukan.
Halor kane ka jingjia, na ka liang u trai dukan u Tuta Miah, tang mar ia lap ia kane ka jingshah kyndah ka dukan u la pyntip mardor sha ki bor Pulit ka Nongpoh Police Station bad na ka liang ki bor pulit ruh ki la wan ban jurip ban bishar bniah halor kane ka jingshah kyndang katei ka dukan ha ki nongtuh.
Kumba la iathuh da u trai dukan, u Tuta Miah, la ong ba kim lah ban tip haduh katno ki tiar ki la shah tuh bad ruh ka pisa, namar hadien ba la lap ia kane ka jingshah tuh la pyntip mardor sha ki pulit bad ki Pulit ki la wan ban pynlong ia ka jingtohkit kaba dei katkum ki kyndon ban lap pat ia kito ki runar kiba la nud ban wan tuh ia katei ka dukan.
U la ong ruh wat la katta halor kane ka jingshah kyndang ka jingkhang la sub aba ki runar ki la ioh rah ia ka pisa katto katne bad ki marbam ha kaba kim tip pat haduh katno ki la ioh rong tuh, ha kaba ka jingtohkit halor kane ka jingjia dang tohkit da ki bor pulit.
Kumba la ioh lum jingtip, nalor kane ka dukan ba la shah kyndang, ka kynhun ki nongtuh ki la leit ruh ban kyndang sa ia kawei studio ba la tip kum ka Moonlight Studio ha ka building u Bah Hubert Marwei, ha kaba ki pulit ki la pynlong ia ka jingtohkit halor kane ka jingjia.
