Ka Mynken Christian Higher Secondary School, Bhoirymbong, kaba la mihkhmat ia ka jylla sha ka U-17 International Subroto Cup Football Tournament 2024 kaba la long ha Nongbah Delhi bad kaba la rung sha ka Semi-Final hapoh katei ka lympung ialehkai, kan sa iakhun Semi-Final pyrshah ia ka Goverment Higher Secondary School Yazali, ka kynhun ialehkai na ka jylla Arunachal Pradesh.
Ha ka por kaba la buh, ba ka jingiakhun hapdeng ka Mynken Christian HSS pyrshah ia ka GovermentHSS Yazali kan long ha ka 9 tarik mynta u bnai ha ka por 10 baje mynstep.
Kumban shu kdew ba ia ka kynhun ialehkai ka Mynken Christian HSS, la ialam da u Kitborlang Kharlukhi kum u Coach ha ryngkat ka jingsynran u Bah Bobby L. Nongbet, DSO Ri Bhoi kum uba don bynta eh ha ka ban iarap ia katei ka kynhun ialehkai ka Mynken Christian HSS.
