Shillong, Nailar 01: Ka ding ba shyrkhei kaba la klang bha bad ka la ioh ruh ban bamduh haduh kumba 8 tylli ki ing shiliang ha Rilbong ha ki bynta jong ka Zikzak road ha ka lyntie ban leit sha Assembly ha Nongbah Shillong.
Kane ka jingjia ka la jia mynta ka janmiet ha ka por 4 baje ei ei, ha kaba la kynnoh ba na ka jingsuba ba don jingthut ka bording ilektrik, ka ding ka la klang bad pynjulor syndon haduh kumba 8 tylli ki ing shiliang ha katei ka jaka.
La ong ruh ba kane ka jaka ka dei kaba la shong la sah da ki bar jylla bad kiba ri masi. Ha kane ka jingjia ym shym la don ba mynsaw la ki dei ki jingri ne ia ki briew, hynrei lait noh ka jingjulor ki tiar ki tar bad kitei ki ing ki sem kiba la bam duh da ka ding.
Halor kane ka jingjia, ki Kali pynlip ding bad ki Pulit pynlip ding ki la wan poi mardor ban ia khun na ka bynta ban pynlip ia ka ding ba kan nym pur sha kiwei pat ki ing kiba don hajan bad da ka jingtrei shitom ki bor pulit bad ki pulit pynlip ding la lah ban pynlip noh ia ka ding ba kan nym pur sha kiwei ki ing bad ruh ban lait ka jingpluh kiwei pat ki ing kiba don marjan bad kitei ki ing ba la shah bamduh ha ka ding.
Peit ruh:
