Shillong, Nailar 31: U President ka Khasi Student Union (KSU) u samla Raymond Kharjana ula ong baka along ne ka phatok kadei ka jaka kaba pynphrang bad pynsatar iaka mynsiem jongka jingialeh naka bynta ka daw bah jong ka jaidbynriew.
Ia kane u samla Raymond ula ong hadien baki Pulit kila rah biang ia baroh 3 ngut ki nongialam ka KSU CEC kiba shah kem sha ka ingkashari ka District Session Court.
Lah ban kdew ba 4 ngut ki nongialam ka KSU kata u President Raymond Kharjana, vice president Pynkmenlang Sanmiet, general secretary Ruben Naijar bad Assistant organizing secretary u samla Jeremiah Pohtmi kila shah kem namar ka huri hura kaba la mih haka por ba pynlong Rally arshaka haka 19 tarik Nailar ha Shillong.
Hynne ka janmiet ki Pulit kila rah biang iaki 3 ngut ki nongialam ka KSU CEC sha District Session Court hadien bala pynngat kyndon thymmai biang pyrshah iaki.
Haba kren shaki lad pathai khubor u samla Raymond ula ong “Kane kadei ka jingpyrshang ban pyntynjuh iaki nongialam ka seng bad kane ka long naka por shaka por hynrei ngi kwah ban pynshai hi baka along kadei ka bynta ban pynthrang bad pynsatar iaka mynsiem, iaka jingialeh naka bynta ka daw bah jong ka jaidbynriew”.
Peit ruh:
[…] Pule ruh: Ka phatok kadei kaba pynphrang bad pynsatar mysniem ban ieit ia ka jaid bynriew, ong u Pre… […]