Shillong, Nailar 29: U Bah Ardent Miller Basaiawmoit kum u MLA ka Nongkrem bad u President ka VPP party, u la ther tyngeh halor ki jinglong jingman jong ka tnad pule pule puthi hapoh ka jylla, ha kaba ia dei bad ka thungkam thungjam ia ki nonghikai, da kaba kynnoh ba ka sorkar ka pynmih ia kawei ka Notification ban pyntreikam ha ka liang ka thungkam thungjam ia ki nonghikai hapoh ka jylla.
U la pyntip ruh ba ia kane ka Notification ban pyntreikam ia katei ka Structured Pay Framework (SPF) la wan rah hapoh ka Dorbar synrai bad ka jingthmu jong ka sorkar ka long ban pyntreikam noh ia ka jingthungkam thungjam ia ki nonghikai lyngba katei ka pay structure.
Haba kren sha ki lad pathai khubor, u Bah Ardent Miller Basaiawmoit u la ong ba lyngba katei ka Notification ka tnad pule puthi ka jylla ka la pyntreikam lyngba kata ka Structured Pay framework bad mynta ki nonghikai kiba rung kam ki nym ioh shuh katkum ka State Pay Scale.
U la ong ruh ba ka sorkar ka pyntreikam ia kane ka Polisi ba la tip kum ka Structured Pay Framework ka long ban kyntiew ia ki nonghikai SSA bad ha kawei pat ka liang ka sorkar ka tuh noh ia ka hok jong kiwei ki nonghikai Deficit bad nonghikai skul sorkar da kaba ai da ka mon bad shim da ka daing ba nangne shakhmat kan pyntreikam beit lyngba kane ka pay structure.
Pule ruh: Mynsaw 3 ngut ba twa kynsan ka khyndew haka ïing, lait thaw kiba dang ioh thiah
U la pynpaw ruh ba ka tnad Pulit puthi ka jylla ka don hapdeng ka jinghiran ha ka liang ka pisa bad ka jingpyntreiam ruh kam long janai, namar na ka liang ka sorkar ka pyrshang ban pynthame ia ki paidbah da ka ba wan rah ia katei ka polisi, hynrei kane ka wan rah pat ka jingduhnong kaba khraw ia ki khun samla kiba wad kam wad jam nangne shakhmat bad kane ka shong ha ka mon jong ki samla kaei kaba ki dei ban kren sha ka sorkar.
Shuh shuh, u la ong ruh ba na ka liang ki MLA ka liang pyrshah ki ju kren ia kane ka mat ha ka dorbar ha kaba sorkar ka shim beit ba ki tuklar ia ka jingtreikam ka sorkar bad kaba sngewsih ka long ba ka sorkar kam ju pdiang haba ai jingmut na ka liang ki MLA ka liang pyrshah haba don ka dorbar ne ba ai jingmut sha ka sorkar, u la bynrap.
Peit ruh:
