Ha ka jingialehkai ka Subroto Cup International Football Tournament 2024 ba mynta ka sngi ha Nongbah Delhi, ki thei ialehkai ka Nongpoh Christian Higher Secondary School, Pahamsyiem, ki la lah biang ban khur namjop, hadien ba ki la lah ban pynliem noh ia ka Maharashtra da 1-0 bad ia katei ka kol ba kordor jong katei ka skul, la ioh ban thep da ka Susimery Lyngdoh Peinlang ha ka minit ba 3 jong ka jingiakhun.
Lah ruh ban kdew hangne, ba ha ka jingialehkai kaba hynnin ka sngi, ka Nongpoh Christian HSS kaba la mihkhmat ia ka Meghalaya, ka la lah ban thep haduh 10-1 pyrshah ia ka IPSC.
Ka jingiakhun kaba lashai ka sngi, ka Nongpoh Christian HSS, kan sa iakhun pyrshah ia ka Punjab, kaba dei ruh ka kynhun kaba khlain bha ha katei ka lympung ialehkai.
