Ka Socio-Economic Education Life Development (SEELD) Umsong District ka la pynlong ïaka jinglehkai phutbol ba shi sngi ha madan phutbol ka shnong Umsong, ha kaba ki 16 tylli ki kynhun kynthei bad shynrang kila wan ban ïashim bynta.
Ïa katei ka lympung la wan ban plie da u kongsan Dr. Ricky AJ Syngkon, MP, lem bad u symbud kongsan, u Bah LP Thangkhiew Rangbah Shnong ka Patharkhmah. La donlang ruh u Pastor In Charge u Rev. LC Thangkhiew, u Tbn. ER Rani Rangbah Shnong Umsong, u TC Thangkhiew, lem bad ki nongïalam jong ka SEELD Umsong District bad ki nongsharai na ka thaiñ Umsong.
La pyniaid ia ka jingialang da u Chairman ka komiti, u Bah Donbok Syngkli, ha kaba la ioh ruh ban ai ka dorkhas sha u MP da u Bah RC Thangkhiew, Secretary na bynta ban pyndep noh ia ka ophis jong ka Seng namar ha u snem 2025, ka seng kan sa rakhe ïa ka jingdap 25 snem jong ka jingshakri jong ka.
Ha katei ka jinglehkai phutbol ha ka kyrdan shynrang, ka Nongbirlum ka la jop ïa ka Nongkynrih da ka 2-1, katba ha ka kyrdan kynthei, ka Umsong ka la jop ïa ka Tasku da ka 2-0. Bad naka liang ki bor pynïaid ki la sam ruh da ki khusnam pisa bad trophy sha ki nongjop
