U State NPP president ka NPP bad uba dei ruh u Symbut Myntri ka sorkar jylla, u Bah Prestone Tynsong, u la hap ban leit shah sumar mardor ha Nazareth Hospital Shillong, kaba dei na ka daw ka jingdon ka jinglang snam (Subdural Hemorrhage) ha ki bynta jong ka khlieh.
U Bah Prestone Tynsong u la shah leit sumar ha ka janmiet jong ka sngi Nyngkong, ha kaba ki Doctor ki la buh syndon ia u ha ICU na ka bynta ban ioh ia ka jingsumar bad ka jingtohkit bniah halor katei ka jingpang.
Ka kyrwoh kaba la ioh lum la ong ba u Bah Prestone Tynsong, u dang don hadpeng ka jingtip briew bad kam pat da ktah jur kata ka jingpang, hynrei na ka liang ki doctor ki la dang pynlong ia ka jingtohkit ban lap ia ka daw jong katei ka jingpang kaba don ha ki bynt jong ka khlieh jong u.
Shuh shuh, kumba la pynpaw da ki Doctor la ong ba kane ka jingpang (Subdural Hemorrhage) ka dei ka jingpang kaba kham don jingma ha kaba donkam ban sumar kyrkieh noh, namar kane ka jingpang ka dei ka jaid jingpang kaba lang snam ne mong ha ki bynta jong ka jabieng.
