Nongpoh, Lber 20: Ki nongialam ha ryngkat ki dkhot jong ka FKJGP Byrnihat Circle, Hynnin ka sngi, ki la leit ban aiti da ki dieng sawdong lem bad ki tin sop iing sha ka skul BLP SSA kaba don ha shnong Umdoh 18Mile Byrnihat bad kaba la shah pynjulor ha ka eriong, kaba la khie kynsan ha kine ki khyndiat sngi ha Ri Bhoi.
Haba leit ban aiti ia kitei ki dieng sawdon bad tin sop iing sha katei ka skul, la ialam da u samla Noah Khangstid, General Secretary, nangta u Dibose Chyne, Vice President lem bad kiwei pat ki dkhot ka Byrnihat Circle.
Haba iadei bad katei ka jingleit ai jingiarap ia katei ka skul, ki nongialam ka FKJGP Byrnihat Circle, ki la ong ba ka nongrim kaba la pynlong ia ki ba kin leit ai jingiarap, ka dei hadien ba ki la ioh jingtip ba katei ka skul, ka la shah pynjulor eh ha ka eriong, kaba la rat lut ia ki tin ba sop ia katei ka skul bad ia ki dieng sawdong ruh kumjuh.
Kumta na bynta ban iadonkti lang ha ka ban iarap ia katei ka skul, ngi na ka liang ka seng, ngi la iarap katba lah i bor, kata da kaba ai sngewbha da ki tip sop iing lem bad ki dieng sawdong, na bynta ban maramot ia ki bynta ba la shah ktah eh ia katei ka skul.
