Nongpoh, Lber 20: Khlem salia hynnin ka step phyrngab ha ka por 2:40 baje eiei mynstep, ka kynhun ki runar kaba don kumba lai ne saw ngut eiei, ki la leit ban kyndang ia ka dukan die Mobile jong u Bah Banjop Suphai, kaba don ha Iew Bhoirymbong, Ri Bhoi.
Kitei ki runar kiba la leit kyndang jubor bad ioh ban rung hapoh katei ka dukan die Mobile, ki la ioh ban rah ia kumba 7 ne 8 tylli eiei ki mobile, hynrei kim shym la shim lut ia baroh ki Mobile kiba don hapoh katei ka dukan.
Ia ka dur jong kitei ki runar kiba la kyndang jubor ia katei ka dukan die Mobile, la shu ithuh dur malu mala, kata lyngba ka jingioh ringdur lyngba ki kor CCTV kiba don hapoh katei hi ka dukan die mobile.
Haba iadei bad katei ka jingshah kyndang jubor ia katei ka dukan die Mobile, u trai jong katei ka dukan u la leit ban ujor ejahar sha ki Pulit ka Khapmara PIC, khnang ba ki Pulit kin ioh ban thwet ia kitei ki runar kiba la kyndang jubor bad rongtuh ia ki Mobile na katei ka dukan.
