Nongpoh, Jylliew 07: Ka Balang Presbyterian Umdihar ba hap ha ka Ri Bhoi Sepngi Presbytery ka Ri Bhoi Presbyterian Synod ka la sdang ba rakhe ïa ka jingïaid lynti kaba 60 snem na duh ba la seng ïa ka ha ka 6 tarik u Jylliew 1965, ha kaba kane ka jingrakhe ïa ka Diamond Jubilee ka la sdang naduh ka 2 tarik u Jylliew 2025 lyngba ki prokram bapher bapher.
Kum ka jingpynsah jingkynnmaw ïa kane ka jingrakhe ïa ka Diamond Jubilee ka jingïaid lynti kaba la 60 tylli ki snem, ka Balang Presbyterian Umdihar ka la plie ruh ïa u Mot sah jingkynmaw ha ka 6 tarik u Jylliew 2025 ba la wan ban plie da u Rev. K.E Rympeit, uba dei u Moderator ka Ri Bhoi Sepngi Presbytery haka jingdon lang u Rev L.S Nongphlang, u Rev B.R Pamshong, u Rev P.L Muksiar bad U Rev I.P.L Syngkli kiba dei ka Pastor Incharge jong kane Balang.
La sakhi lang ruh da ka jingdon alng u Tymmenbasan ka Balang Presbyterian Umdihar ba kynthup ïa u Tymmenbasan O.Lyngdoh, Tymmenbasan R.B Shadap bad u Tymmenbasan S.S Lapang lem bad kiwei kiwei Pastor Bad Ki Tymmenbasan lem ba ki paid riewngeit ka Balang Presbyterian Umdihar.
La pynlong ruh ïa ka jingïaseng kyrpang ha kane ka sngi ba la plie ïa u mot sha jingkynmaw ha ka ingmane ka Balang Presbyterian Umdihar ha kaba ïa ka ktien jong u Blei la sam da u Rev L.S Nongphlang bad la pynlait ïa ka thup sah jingkynmaw ka Balang Presbyterian Umdihar da u Rev B.R Pamshong.
La pynphuh pynphieng ruh ïa kane ka jingrakhe diamond jubilee ki jingrwai ki khynnah skul ka Umdihar Presbyterian Secondary School, bad Ka Choir naka C.E Society Balang Presbyterian Umdihar bad ïa kane ka jingrakhe Diamond Jubilee kin sa pynkut noh ha ka sngi U Blei.
