Shillong, Lber 12: Ki paidbah bad ka Municipal ha shilynter jong ka nongbah Tura mynta ka sngi ki la hap mih paidbah ban pynkhuid ïa ki jaboh naduh ki maw ki dieng bad ka jingshah pynjulor bapher bapher ba la bret ha surok, kaba dei na ka jingiakhih ki paidbah ha sor Tura.
Ki nongshong shnong bad ka Municipal ki la ia trei lang ban lum bad ban pynkhuid ïa ki jaboh kiba la saphriang ha ki surok bad ha ki bynta bapher bapher jong ki shnong ha sor Tura.
Kumba la sakhi, kane ka jingiakhih kaba la jia sor Tura ka la wanrah shibun ki jingjulor bad ki jaboh ha ki bynta bapher bapher jong ka thain Tura. Namar kata, ki nongshong shnong ba marjan bad ka Municipal ki la mih shakhmat ban pynkhuid ïa ki shnong ki thaw kiba la ktah na ka jingiakhih ki paidbah kiba la pynjot naphang ia ki katto katne ki bynta kum ka jingthang ia ki ing, ki jingkawang maw bad kawang dieng kiba la pynjaboh ha ki bynta jong ka sor Tura.
Halor kine ki jingiakhih, u Myntri rangbah ka jylla u Conrad K. Sangma u mynta ka step u la hiar jurip sha ki bynta bapher bapher jong ka Tura ban peit bniah ïa ka jinglong jingman na ka jingjot bad ka jingpynpra kiba la ktah na ka jingiakhih bad u la kynduh ruh ia ki bor shnong bad ki paidbah ban kyrpad ia ki ba kin ia trei lang bad ka sorkar bad ruh ban pynneh ia ka shongsuk shongsain ha Rilum Garo.
