Ka Indian High Commission kaba don ha ka nongbah Dhaka jong ka ri Bangladesh mynta ka sngi ka la pynmih ia ka jingbthah maham paidbah lane ka advisory sha ki nong India kiba pule bad sah ha katei ka ri Bangladesh ba kin ialeh ban kiar na kaba mih shabar na ki jaka sah ki jongki, namar ka jingbym shong shngain shuh ha katei ka ri na ka jingiakhih paidbah halor ka mat thungkam thungjam.
Ki paidbah ki ba shem jingeh hapoh katei ka ri, lane kiba donkam ia ki lad jingiarap, ki lah ban phone lane WhatsApp haki number harum:- High Commission of India, Dhaka +880-1937400591 Assistant High Commission of India, Chittagong +880-1814654797/+880-1814654799, Assistant High Commission of India, Rajshahi +880-1788148696, Assistant High Commission of India, Sylhet +880-1313076411 bad Assistant High Commission of India, Khulna +880-1812817799.
Halor kane ka bynta, na ka liang ka sorkar jylla ruh kala pyn-im ia u helpline number 1800-345-3644 jong ka tnad DIPR, uba ki paidbah nongshong shnong ka jylla Meghalaya kiba don hapoh katei kari Bangladesh ki lah ban phone na ka bynta ban ioh ia ki lad jingiarap kiba donkam.
