Na ka daw ka jingther u lapbah lapsan ha kine ki sngi, uwei u rangbah briew na ka Shnong Khyndewso ha Ri Bhoi District, u la duh noh ia la ka jingim, kaba dei hadien ba u la shah rong noh ha ka umsaw ha ki bynta jong ka wah Umiam ha Ri Bhoi District.
Kane ka jingjia ka la jia naduh ka sngi u Blei, ha kaba une u rangbah ba la tip kyrteng kum u Bah Khring Lyngshiang, 39 snem ka rta, u la shah rong ha ka umsaw ha katei ka wah Umiam bad naduh katei ka sngi bad ym shym la lap shuh ia ka met jong u.
Kumba la ioh lum jingtip la ong, ba halor kane ka jingjia, kiba haïing hasem jongu, ki la pynpaw ia ka jingwad ia ka met jong u, ha katei ka wah bad dei lyngba ka jingiawad kaba la poi haduh 4 sngi ha shi lynter ka wah, ki bahaïing ki la lap noh ia ka met jong u na sharum jong ka wah Umiam mynta ka sngi.
Shuh shuh, la ong ruh hadien ba la lap ia ka met la rah noh sha ka ïingsah jongu, ha Khyndewso bad na ka liang ki bor pulit ruh ki la wan poi na ka bynta ban pynlog ia ka jingtohkit bad hadien ba la pynlong ia ka jingtohkit la aiti ia ka met jong u, sha kiba haïing, namar ki bahaïing ki la kyntait ban leh ia ka postmortem, kaba kim don kano kano ka jingsuba sniew bad ia ka met jong une u rangbah kin sa pyndep noh ban leh burom lashai ka sngi Palei ha ka ingsah jongu ha Khyndewso.
