Shillong, Jylliew 26: Ha kawei ka jingjia mynta ka step, u nongniah jong kawei ka kali kamai (Tourist taxi) kaba don ia u registration number ML 05M 0374 u la mynsaw jur bad lait thaw na ka jingiap hadien ba u wei u mawbah u la twa kynsan bad ban ia ka kali ba u niah ha Pomlum, marjan bad ka shnong Wahkhen jong ka surok Shillong-Dawki.
Ha kane ka jingjia, ka bynta ba shakhmat jong katei ka kali, kala pra hi phom bad la iathuh ruh ba kiwei de ki briew kiba shong lang ha katei ka kali, ki la lait na kino kino ki jingmynsaw. Ia u nongniah jong kane ka kali, u ba la mynsaw ha katei ka jingjia la pynkit noh marmar sha ka jaka sumar ba hajan jong kane ka thain Pynursla ban ioh ia ka jingsumar kaba kyrkieh.
