Nongpoh, Naitung 24: Da kaba shim khia halor ki jingioh lum jingtip kaba bniah lyngba ka tyllong khubor na ki bor syntiat ki shipai jong ka 101 Area, Shillong, uwei u briew ba la tip kyrteng kum u Sarchehon Rongpi na ka shnong Kiching Rongpi, Dokmoka, Karbi Anglong District, Assam, u la shah kem noh ha kitei ki shipai syntiat kaba dei halor ki kam leh buit tuh jong u, uba la riam bad leh mynleh kum u Shipai Indian Army
Kane ka jingioh kem mynta ka sngi, da ki bor syntiat ki shipai ka 101 Area, ka dei hadien ba ki la ioh lum ka jingtip kaba bniah, ba utei u briew ula iaid sharum shaneng ha kiba bun jaka ha katei kajaka shipai bad da kaba riam ruh ia ka riam ha ka dur jong ki Shipai Indian Army.
La ong ruh ba une u briew, u don ia ki dur bad ki dur khih kiba khia thew la kum ki shipai bad kynthup ruh ki kynja WPN, ka suloi AK-47 bad shibun ki tiar ki tar kiba ia dei ba ka kam shipai ha ka mobile phone jong u.
Shuh shuh, la ong ruh hadien ba la ioh kem da ki bor syntiat ki shipai ka 101 Area, ki la leit aiti noh sha ki bor pulit ka Meghalaya, na ka bynta ban dang pynlong ia ka jingtohkit kaba kham bniah.
