Ki pulit ka Ri Bhoi mynta ka sngi ki la ioh ban kurup ia u Ganja na kawei ka Trok kaba ka dang hiar sha Guwhati, kaba dei da ka jingpynap shrip ha Nongpoh, kaba dei ruh hadien ba ki la ioh pdiang lypa ia ka jingtip kaba bniah shaphang katei ka trok ba kit ia u Ganja.
Ia kane ka trok la bat da ki Pulit ka Ri Bhoi ha Nongpoh ha ka por 10 baje ei ei bad hadien ba la ioh bat la talasi ia katei ka trok bad la lap ia ka song u Ganja ba la kit da katei ka Trok.
Kane ka trok ka don ia u number NL 02 N 2630 bad kaba la niah da u Geramsha Bro (24) na Myrangare, Tezpur, uba la shah kem noh ha ki Pulit ka Ri Bhoi na ka bynta ban pynlong ia ka jingtohkit halor kane ka jingioh kurup ia u Ganja.
Kumba la pyntip da u Officer Incharge ka Nongpoh Police Station, u M.R Marak la ong ba u tei u Ganja na la ioh kurup u don ka jingkhia kaba 9 kg bad ha kane ka bat ia katei ka trok la ioh kurup ruh ia ki song thok u Ganja na katei ka trok.
Halor kane ka jingioh kurup ganja bad ioh bat ia katei ka trok, ki pulit ki la dang pynlong ia ka jingtohkit kaba bniah bad ban leh katkum ki kyndon jong ka ain.
