Naduh ki nongkitkam bad ki nongkyrshan ka United Democratic Party (UDP) Nongpoh Circle mynta ka sngi ha ka jingialang kaba la long ha Parish Hall Nongpoh, ki la pynsawa jur ia ka kyrteng u Bah Balajied Rani, u MDC ka Nongpoh Constituency ba un long biang kum u kyrtong na kane ka party UDP ha ka election ban sa wan na Nongpoh Constituency.
Ha kane ka jingialang la wan ban shim bynta lang naduh ki nongialam ka UDP bad ki nongkyrshan na ki bynta bapher bapher ka ri Bhoi bad da kawei ka sur ki la pynsawa biang ia ka kyrteng u Bah Balajied Rani ba un shah jied biang kum u kyrtong ban aireng ha kane ka election MDC ka KHADC ban sa wan na ka Nongpoh Constituency.
Ha kane ka jingialang la shim bynta lang ruh naduh u Bah Mayral Born Syiem MLA ka Nongpoh, u Bah Balajied Ranee MDC Nongpoh, u Bah Andrias Synklie President UDP Nongpoh Circle lem bad kiwei kiwei ki Nongkitkam bad ki Nongkyrshan ka UDP na ka Nongpoh Circle.
