Ka kynhun ialehkai U-20 ka India, ka la ioh ban khur ia ka namjop kaba nyngkong ha ka jingiakhun iaknieh ban ioh rung sha ka AFC U20 Asian Cup China 2025, kata ka dei hadien ba ki la lah ban pynliem ia ka Mongolia da 4-1.
Katei ka jingiakhun, ka dei kaba la long ha Vientiane National Stadium, Laos. Ka jingiakhun jong ka step ka la kut ha ka jingiakhaid kaba 1-1, ha kaba ka India ka la ioh ban thep ka la ioh ban pynkhihjar lyngba u Kelvin Singh ha ka minit ba 20, katba ka Mongolia, ka la ioh ban pynphai ha ki minit ba la jan kut jong ka kylla step.
Haba bteng ka kylla miet, ki rangialehkai ka India ki la nion tyngeh ia ki rangialehkai ka Mongolia, ha kaba ki la ioh ban thep kol biang, ia kaba la thep da u Manglenthang Kipgen bad lyngba ki 2 kol kaba la thep da u Korou Singh Thingujam, kaba la pynthikna syndon ia ka India ba kan khur ia ka namjop kaba nyngkong ha katei ka lynpung ban iaknieh ioh rung sha ka AFC U20 Asian Cup.
Hadien katei ka namjop, ka India kan sa iakhun biang pyrshah ia ka Iran ha ka sngi Thohdieng. Ka India ka dei kaba don ha ka Group-G ha katei ka lympung, ia kaba la donlang ka Iran, Mongolia bad ka Laos kaba dei ruh ka ri kaba la pynlong ia katei ka lympung ialehkai.
