Ka kyrteng u samla Manbhakupar Malngiang, ka la rung ha ka thup ki 23 ngut ki rangialehkai phutbol U-17 ka India, ki ban sa iakhun ha ka jingiaknieh rung sha ka AFC U-17 Asian Cup 2025, ka ban sa long ha Saudi Arabia.
Ia ka kyrteng u Manbhakupar Malngiang, ba un ioh mihkhmat na ka India, la pynbna da u Ishfaq Ahmed, uba dei u Head Coach ka kynhun ialehkai U17 ka India, ba ka kyrteng jong utei u samla Khasi, ka la rung ban mih mihkhmat ia ka ri ha katei ka jingiakhun ba ban long ha Thailand bad ka ban sdang ha ka 23 tarik haduh 27 tarik mynta u bnai.
Ki India kaba don ha ka Group-D, ha kaba la donlang ka ka Turkmenistan, ka Brunei Darussalam bad ka Thailand.
Ka India kan iakhun nyngkong ia ka Brunei Darussalam ha ka 23 tarik, ha ka 25 tarik kan iakhun pyrshah ia ka Turkmenistan bad ia ka Thailand kan iakhun ha ka 27 tarik.
Ki rangialehkai phutbol U-17 ka India, ki kynhun ia u Aheibam Suraj Singh bad Rohit, Nandan Roy kum ki rangapkol, nangta u Karish Soram, Mohamed Kaif, Chingtham Renin Singh, Brahmacharimayum Sumit Sharma, Thoungamba Usham Singh, Yaipharemba Chingakham, Jodric Abranches kum ki rangialehkai dien.
Ha ki bynta ba shapdeng, la don u Manbhakupar Malngiang, u Abdul Salha Sheergojri, Ahongshangbam Samson, Kh Azlaan Shah, Levis Zangminlun, Mahmad Sami, Manbhakupar Malngiang, Md Arbash, Ningthoukhongjam Rishi Singh, Vishal Yadav, Ngamgouhou Mate, katba u Bharat Lairenjam, Prem Hansdak bad u Hemneichung Lunkim kum ki rangialehkai shakhmat.
