Katba dang iaid ki sngi ki por, ki jinglehkai sport bapher bapher ha ka jylla ki la nang kiew la ka dei ha ka football, basketball, cricket bad kiwei kiwei hynrei ha kane ka kynti ba mynta ka jinglehkai iakhun kti kaba la tip kum ka arm wrestling ka la sdang shisha ban mih paw.
Ha kaba iadei bad ka jinglehkai arm wrestling, ka long ka jingsarong ia ka jylla baroh kawei ba uwei u samla rangbah uba dei u pulit MLP, uba la ioh khur bun ki takma ha ka jingiakhun kti, u la shah jied syndon ban long u nongialam ia ka kynhun ia khun kti ka Ri India ha ka jingiakhun ia ka IFA World Armwrestling Championship 2024 kaban long ha Moldova kaban sdang naduh ka 15 tarik Nailar bad ban pynkut pat ha ka 25 tarik Nailar 2024.
Une u samla rangbah uba dei u pulit ka jylla uba trei mynta ha Ri Bhoi District, u la sdang ia kane ka jinglehkai kilan met lyngba u kpa jong u, u bah F.T Sun Bam kwai ha draw u Blei da kaba seng artad ia ka Power Gym Club kaba dei ka jaka kilan met bad ai jinghikai ia ki khynnah, samla bad rangbah khamtam ia kiba don jingduna ha ki dkhot met ha kaba iadei bad ka Arm Wrestling.
