Ha ka jingialehkai ka UEFA Champions League ha hynne shiteng miet, arngut ki rangialehkai khmat ba paw na Brazil, kiba la mihkhmat na ka FC Barcelona FC bad kumjuh ruh na ka Real Madrid, ki la ioh ban khur Hat-trick da kaba ki la thep mar 3 kol pyrshah ia ki kynhun ba ki iakhun pyrshah.
U Vini Junior, uba la mihkhmat na ka Real Madrid u la ioh khur Hat-trick ha ka jingiakhun pyrshah ia ka Borussia Dortmund, ha kaba u la ioh ban thep ha ka minit ba 62, 86 bad ha ka minit ba 90+3. Katba u Raphinha, uba mihkhmat na ka FC Barcelona, la ioh ban khur Hat-trick ha ka jingiakhun ka FC Barcelona pyrshah ia ka FC Bayern Munich, ha kaba u la ioh ban thep ha ka minit ba 1, 45 bad ha ka minit ba 56 jong ka kylla miet.
Ha kiwei pat ki jingiakhun, ka Liverpool FC ka la pynliem noh pyrshah ia ka RB Leizip da 1-0 ia kaba la thep da u Darwin Nunez ha ka minit ba 26 ka kylla step. Ka Manchester City ka la pynliem haduh 5-0 pyrshah ia ka Sparta Praha, lyngba ki kol kaba la thep da u P. Foden uba la thep na ka minit ba 3, u Erling Haaland u la ioh thep 2 kol ha ka minit ba 58 bad 68, u J. Stones ha ka minit ba 64 bad u M. Nunes ha ka minit ha 88.
Ka Atletico Madrid ka la shah rem noh da 3-1 hakhmat ka LOSC, ka Dinamo Zagreb ka la pynlong da 2-0 pyrshah ia ka RB Salzburg, ka Benfica ka la shah rem noh da 3-1 hakhmat ka Feyenoord bad ka Inter Milan ka la pynliem noh ia ka Young Boys da 1-0 ia kaba la thep da u M. Thuram ha ka minit ba 90+3 jong ka kylla miet.
