Ha ka jingiakhun ban iaknieh rung sha ka AFC U-17 Asian Cup 2025, kaba long sa long ha Saudi Arabia, ka kynhun ialehkai U-17 kaba la long hapdeng ka India pyrshah ia ka Brunei, ka kynhun ialehkai ka India ka la lah ban pynliem kput haduh 13-0 pyrshah ia ka Brunei.
Katei ka jingiakhun ka la long ha Chonburi Stadium, ha kaba ki rangialehkai ka India ki la lah ban lehkai bha bad kiba la lah shisha ban tehlakam ia ka jingiakhun, kaba la pynlong syndon ia ki ba kin pynliem kput haduh 13-0
U Vishal Yadav, u la long u namtam hapdeng ki rangialehkai ka India, ha kaba u la ioh ban khur ia ka Hat-trick, namar ba u la ioh ban thep haduh 3 kol marwei. Nalorkata u Manbhakupar Malngiang, u rangialehkai Khasi uba la shah jied ban mihkhmat na ka ri ha katei ka lympung ban iaknieh ruh sha ka AFC U-17 Asian Cup 2025, u la ioh ban thep shikol bad ba u la thep na ka minit ba 74 jong ka kylla miet.
Ka jingiakhun ba bud jong ka India kan long lashai ka 25 tarik, ha kaba ka kynhun ialehkai U-17 ka India kan iakhun pyrshah ia ka Turkmenistan bud sa ka jingiakhun pyrshah ia Thailand, ka ban sa iakhun pyrshah ia ka Thailand.
