Ka sorkar jylla lyngba ka tnad Personnel & A.R.(A) kaba la soi da u CVD Diengdoh, Secretary, ka la pynmih ia ka hukum ba la thung ia ka Mitali Chandra kum ka Deputy Commissioner ba thymmai jong ka Eastern West Khasi Hills District ha ka jaka jong u Gideon Kharmawphlang uba la shongthait noh na ka kam.
Kum ban shu kdew ka Mitali Chandra hashwa ban shah pynkynriah kum ka DC jong ka Eastern West Khasi Hills District, kadei kaba bat kum ka Registrar jongka Cooperative Societies bad Joint Secretary jong ka sorkar Meghalaya ha ka tnad Planning, Investment Promotion & Sustainable Development bad Agriculture & Farmers Welfare.
Ha kajuh ka por, ha ka jaka jong ka Mitali Chandra, la thung bujli pat ia ka WAM Booth kaba dei ka Additional Secretary jong ka sorkar jylla ha ka tnad Cooperation Department ba kan shimti pat ia ka kam kum ka Registrar jong ka Cooperative Societies.
