Ki bor ka sorkar jylla lyngba u Lat ka Jylla, la pynbna ba la jied ia u Dr. Celestine Lyngdoh, MLA ka Umsning kum u Nongaibuit (Adviser) jong ka tnad Pulit (Home) bad ruh jong ka tnad Ka Pule Puthi (Education) naduh ka 28 tarik Nailar 2024.
Lah ban kdew, ba dang shen, u ne u MLA ka Umsning lem bad 2 ngut kiwei ki MLA ba kynthup na Mawhati bad Nongstoiñ ki la mih noh na ka Congress ban pyniasoh ialade sha ka party NPP.
Katkum ka shithi, ba la pynlait da u Secretary jong ka Sorkar Jylla, u CV. D Diengdoh (IAS), la pynkup bor ia u Dr. Celestine kum u Nongaibuit jong kitei ki tnad treikam ka sorkar, ha kaba un ioh ruh ia ki jingmyntoi katkum ka kyrdan (Category) “A+”.
