Ka tnat Pulit kila iaid shaid shaid ban Chargesheet iaki shipai BSF ba thombor ia kawei ka longing kynthup ïaka khynnah ba dang 15 snem.
Ia kane ka pyntip da u Symbut Myntri Rangbah ba khmih ïaka tnat kam pohing (Police) haba jubab iaka Call Attention ba wanrah da u MLA ka VPP na Mawlai u Bah Brightstarwell Marngbaniang halor ki sienjam baka Sorkar ka shim pyrshah iaki BSF ba thombor ia kawei ka longiing ha Kuliang, East Jaintia Hills District.
U Bah Prestone u la pyntip ba naka Liang ki Pulit tang marsien ioh pdiang ïaka ejahar (FIR) pyrshah iaki BSF kila pynlong ïaka jingtohkit kynthup ban eksamin ia katei ka longing ba shah kynnoh ba shah shoh haki shipai BSF bad haka juh ka por ki pulit ki leit sha katei ka ïing ban lum iaki sakhi sabut.
U la pyntip ba ïaka ejahar la ujor daka kmie jong ka khynnah ba dang 15 snem pyrshah iaki BSF daka ba kynnoh ba kila jrong kti ïaka khun bad kila shoh ia u kurim.
“Ki Pulit kila Register ia ka Case ha Khliehriat Women Police Station hapoh ka kyndon 457,236,354,384 bad 34 jong ka Indian Penal Code, bad ruh ka kyndon 7 bad 8 jongka POCSO Act” la ong u Bah Prestone.
