Ka Khun Hynniewtrep National Awakening Movement (KHNAM) kala pynbna ban pynlong daka jingiakhih haka 19 tarik Nailar ha Madan Malki.
Haba kren shaki lad pathai khubor u Working President ka KHNAM u Bah Thomas Passah ula ong ba kane ka jingiakhih shong kyllain mongor kadei ban dawa na ka bynta ban pynbor iaka Sorkar Jylla ban pynduh noh iaka Personal Interview naka bynta ki kam ba hap ha ka Group B,C,D.
U Bah Thomas ula ong ba ka jingdawa pynduh noh iaka Personal Interview naka bynta ki kam Group B,C,D kadei ban pynthikna ba ka rukom thungkam thungjam hapoh ki tnat Sorkar kan long kaba khuid ba suba.
Ula ong iaki kam haki Group B,C,D dei ban pynshisha bad dei ban bishar beit tang da daki eksamin.
“Ka KHNAM ka iawer ia baroh kiba sngewkhia halor kane naduh ki sengbhalang, ki samla wad kam bad ki kmie ki kpa ban wan kyrshan iaka KHNAM ban shim bynta haka jingiakhih ban pynbor iaka Sorkar ban pynduh noh iaka Personal Interview naka bynta ki kam ba hap ha ka Group B,C,D” ula ong.
